சந்திரபாபுவின் தபால் உறை வெளியீடு

நடிகர் திலகம் மறைந்த சிவாஜி கணேசனின் 6-வது நினைவு தினத்தையொட்டி மறைந்த நகைச்சுவை நடிகர் சந்திரபாபுவின் தபால் உறை வெளியிடப்பட்டது.

மறைந்த சிவாஜி கணேசனின் நினைவுநாளையொட்டி, சென்னை தியாகராயநகரில் உள்ள அவருடைய வீட்டில், சிவாஜிகணேசனின் உருவ படம் அலங்கரித்து வைக்கப்பட்டு இருந்தது. குடும்பத்தினர், உறவினர்கள், நண்பர்கள் ஆகியோர் சிவாஜி கணேசனின் படத்துக்கு மலரஞ்சலி செலுத்தினர்.

தென்னிந்திய நடிகர் சங்கத்திலும் சிவாஜிகணேசனின் நினைவுநாள் கடைப்பிடிக்கப்பட்டது. நடிகர், நடிகையர் சிவாஜி கணேசனின் ஆள் உயர உருவ படத்திற்கு மலரஞ்சலி செலுத்தினர்.

பின்னர், சரத்குமார் தலைமையில் நடிகர்-நடிகைகள் சென்னை கடற்கரையில் உள்ள சிவாஜிகணேசனின் சிலைக்கு மாலை அணிவித்தார்கள்.

நேற்று மாலை 6 மணிக்கு, சென்னை பிலிம்சேம்பர் திரையரங்கில் சிவாஜிகணேசனின் நினைவு நாளையொட்டி மறைந்த நகைச்சுவை நடிகர் சந்திரபாபுவின் தபால் தலை வெளியிடப்பட்டது.