பாஜக கூட்டணியில் தேமுதிக? மத்திய அமைச்சர் பியூஷ் கோயலை சந்திக்கிறார் பிரேமலதா..!

பாஜக கூட்டணியில் இருந்து அதிமுக பிரிந்து வந்த பின் தனி அணியை அமைக்க முயற்சி செய்து வரும் நிலையில் பாஜக தலைமையில் ஒரு புதிய அணியை உருவாக்கவும் இன்னொரு முயற்சி செய்யப்பட்டு வருகிறது. 

இந்த நிலையில் பாஜக அணியில் ஒரு சில கட்சிகள் இணையும் என்று எதிர்பார்க்கப்படும் நிலையில் சென்னை வந்துள்ள மத்திய அமைச்சர் பியூஸ் கோயலை தேமுதிக பொதுச் செயலாளர் பிரேமலதா இன்று சந்திக்க இருப்பதாக தகவல் வெளியாகி உள்ளது. இந்த சந்திப்பின்போது பாஜக கூட்டணிகள் தேமுதிக இணைவது குறித்து பேச்சுவார்த்தை நடத்தப்படும் என்று எதிர்பார்க்கப்படுகிறது. 

சென்னையில் உள்ள விஜயகாந்த் வீட்டிற்கு இன்று அஞ்சலி செலுத்த பியூஸ் கோயல் செல்லவுள்ள நிலையில் அப்போது கூட்டணி குறித்த பேச்சு வார்த்தை நடைபெறும் வாய்ப்பு இருப்பதாகவும் பாஜக கூட்டணியில் தேமுதிக இணைய அதிக வாய்ப்பு இருப்பதாகவும் கூறப்படுகிறது.  

ஏற்கனவே அதிமுக கூட்டணியில் இருந்த தேமுதிக தற்போது பாஜக கூட்டணியில் இணையுமா? அல்லது மீண்டும் அதிமுக கூட்டணியிலேயே நீட்டிக்குமா? என்பதை தேர்தல் நெருங்கும் நேரத்தில் தான் தெரியவரும்.

Edited by Mahendran