முதல்வர் ஸ்டாலின் சகோதரர் மு.க.முத்து காலமானார்! அரசியல் பிரபலங்கள் இரங்கல்..!

முன்னாள் முதல்வர் கலைஞர் கருணாநிதியின் மூத்த மகனும், தமிழக முதல்வர் மு.க. ஸ்டாலினின் சகோதரருமான மு.க.முத்து  உடல்நலக் குறைவால் மருத்துவமனையில் சிகிச்சை பெற்று வந்த நிலையில், சிகிச்சை பலனின்றி இன்று காலமானார். அவருக்கு வயது 77. அவரது மறைவுக்குத் திரையுலக மற்றும் அரசியல் பிரபலங்கள் இரங்கல் தெரிவித்து வருகின்றனர்.

சென்னை ஈஞ்சம்பாக்கத்தில் உள்ள அவரது இல்லத்தில் மு.க.முத்துவின் உடல் பொதுமக்கள் அஞ்சலிக்காக வைக்கப்பட்டுள்ளது. ஏராளமானோர் நீண்ட வரிசையில் நின்று அஞ்சலி செலுத்தி வருவதாகத் தகவல்கள் வெளியாகியுள்ளன.

மு.க.முத்து கடந்த 1972 ஆம் ஆண்டு 'பிள்ளையோ பிள்ளை' என்ற திரைப்படத்தின் மூலம் கதாநாயகனாக அறிமுகமானார். அதன் பிறகு 'பூக்காரி', 'சமையல்காரன்', 'அணையா விளக்கு', 'நம்பிக்கை நட்சத்திரம்', 'எங்கேயும் மனிதர்கள்', ' உள்ளிட்ட சில படங்களில் நடித்துள்ளார்.

திமுக தலைவராக இருந்த கருணாநிதியின் மகனாக இருந்தாலும், தனது தந்தையுடன் கருத்து வேறுபாடு ஏற்பட்ட நிலையில், பிற்காலத்தில் அவர் அதிமுகவில் இணைந்தார் என்பது குறிப்பிடத்தக்கது.

Edited by Mahendran