இந்திய அளவில் கொரோனா வைரஸ் பாதிப்பு கடந்து சில மாதங்களாக ஆயிரத்திற்கும் குறைவாக தினசரி பாதிப்பு இருந்த நிலையில் கடந்த சில நாட்களாக மீண்டும் கொரோனா வைரஸ் படிப்படியாக பரவி வருவது பெரும் அச்சத்தை ஏற்படுத்தி உள்ளது. ஏற்கனவே தமிழ்நாடு உள்பட பல மாநிலங்களுக்கு கொரோனா வைரஸ் பாதிப்பு விழிப்புணர்வு ஏற்படுத்த வேண்டும் என மத்திய அரசு கடிதம் எழுதி இருந்தது.
இந்த நிலையில் இந்திய அளவில் தற்போது தினசரி கொரோனா வைரஸ் பாதிப்பு 2000ஐ தாண்டி உள்ளது பொதுமக்கள் மத்தியில் அச்சத்தை ஏற்படுத்தியுள்ளது. நேற்று 1500 பேருக்கு கொரோனா வைரஸ் கண்டறியப்பட்ட நிலையில் இன்று 2151 பேருக்கு கொரோனா வைரஸ் தொற்று உறுதி செய்யப்பட்டுள்ளதாக மத்திய சுகாதாரத் துறை தெரிவித்துள்ளது.
இதனை அடுத்து கொரோனா வைரஸ் பாதிப்பை கட்டுப்படுத்த மத்திய, மாநில அரசுகள் தீவிர நடவடிக்கை எடுக்கும் என எதிர்பார்க்கப்படுகிறது.
